തീര്ഥാടനം...........
തീര്ഥാടനം സ്വയത്തിന്റെ അപനിര്മാണപ്രക്രിയയാണ്.........
എന്നിലെ,
എന്റെ നിര്മിതികളെ ഞാന് സ്വയം അപനിര്മാണം ചെയ്ത് കടലിന്റെ ആഴങ്ങളിലേക്ക് ഒഴുക്കുന്ന
ഒരു അനുഷ്ഠാനം തന്നെയാണ്
ഞാനെന്ന ചക്രവര്ത്തി അധികാരത്തിന്റെയും,
അധീശത്വത്തിന്റെയും സിംഹാസനം വിട്ടൊഴിഞ്ഞ് ദൈവികസത്തയിലേക്ക് അലിഞ്ഞ്ചേരുന്ന ഒരു
ശുശ്രൂഷയാണ്..............
തീര്ഥാടനത്തിന്റെ അടയാളങ്ങള് എന്നെ
അത്ഭുതപ്പെടുത്തുന്നു.............
ക്രിസ്തുവിനെക്കാണണമെങ്കില് ഞാന് ക്രിസ്തുശിഷ്യനോ/യോ
ആയി രൂപാന്തരപ്പെടണം
ഇതൊരു ശ്രേണീബദ്ധമായ ഒരുയാത്രയല്ല......മറിച്ച്
ശ്രേണീബദ്ധമായ(ഉച്ചനീചത്വങ്ങള് നിറഞ്ഞ) ബന്ധങ്ങളുടെ കുഴിച്ചുമൂടപ്പെടലും ദൈവികനീതിയിലധിഷ്ഠിതമായ
പുത്തന് ക്രമത്തിലേക്കുള്ള പ്രവേശനവുമാണ്.....
നീതിയും, സ്നേഹവും, സാഹോദര്യവും
നിറഞ്ഞ ഒരു നവസമൂഹത്തിലേക്കുള്ള ഒരു യാത്രയാണിത്.............ഇവിടെ എല്ലാവരും
കറുത്തവസ്ത്രധാരികളും. നഗ്നപാദരുമാണ്.....
തീര്ഥാടനത്തിനു മുന്പായി എല്ലാവരും
അവരവര് ഇപ്പോള് അണിഞ്ഞിരിക്കുന്ന ആടയാഭരണങ്ങള് അഴിച്ചുവയ്ക്കണമെന്നത്/ ഉപേക്ഷിക്കണമെന്നത്
ഒരു അനിവാര്യമായ ദൈവികകര്മം തന്നെയാണ്........അധികാരത്തിന്റെ ആടയാഭരണങ്ങള്
നിഷേധിക്കുവാന് നിനക്കാവുമോയെന്നും, അതിനാവശ്യമായ ഉള്ക്കരുത്ത് നിനക്കുണ്ടോയെന്നും
ഒരു കൊച്ചുബാലന് എന്നോട് ചോദിച്ചത് ഞാന് കേട്ടു............
ഇനിയും എന്നെ ഞാനാക്കുന്നത് കമ്പോളത്തില്
നിന്നും ഞാന് വാങ്ങി അണിഞ്ഞിരിക്കുന്ന ( കമ്പോളത്തിന്റെ അടയാളങ്ങളുള്ള) ഉല്പ്പന്നങ്ങളല്ലെന്ന
തിരിച്ചറിവ് എനിക്കുതന്നെ ഒരു വിസ്മയമായി.........എന്റെ നിയോഗവും അതിലെ അര്പ്പണവുമാണ്
ഇനി എന്നെ ഞാനാക്കുന്നതെന്നും.....
നിന്റെ പേരുപോലും നീ ഉപേക്ഷിക്കണമെന്നും
ഒരു തീര്ഥാടകന് ഉറക്കെ വിളിച്ചുപറയുന്നത് ഞാന് കേട്ടു( കാരണവും അയാള് പറയുന്നുണ്ടായിരുന്നു......നിന്റെ
പേരില്പ്പോലും അധീശത്വത്തിന്റെ മണമുണ്ടെന്ന്).......
അധികാരപ്രമാത്തതയുടെ ഏണിപ്പടിയില്നിന്നും
അതിനെ ബോധപൂര്വം നിഷേധിച്ച് അടിസ്ഥാന ജനവിഭാഗങ്ങളിലേക്കും, ജീവിതയാഥാര്ത്ഥ്യങ്ങളുടെ
തീച്ചൂളയിലേക്കുമുള്ള കീഴോട്ടുള്ള ഒരു യാത്രയാണ് തീര്ഥാടനമെന്ന്....ഒരു കീഴാള
അനുഭവത്തിലേക്കുള്ള ഒരു കീഴാളന്റെ യാത്രയാണിതെന്ന് ഒരു തീര്ഥാടക ആരോടോ പറയുന്നത്
ഞാന് കേട്ടു........
മേലാളവര്ഗം മഹത്വവല്ക്കരിച്ചതൊക്കെ
ക്ഷണികമാണെന്നും, അത് നിഷേധിക്കേണ്ടവയാണെന്നും അടയാളപ്പെടുത്തുന്ന ഒരു യാത്രയാണിത്..........ദൈവം
എന്നും തന്റെ സ്വന്തം ജനമെന്നെണ്ണുന്ന പ്രാന്തവല്ക്കരിക്കപ്പെട്ട ജനവിഭാഗങ്ങളിലേക്കുള്ള
ഒരു നടത്തയാണിതെന്നും ഞാനിന്ന് തിരിച്ചറിയുന്നു.......................
ക്രിസ്തു ഒരു കീഴാളനായതുപോലെ(ജന്മത്തിലും,
ജീവതത്തിലും, മരണത്തിലും) തീര്ഥാടകനായ ഞാനും ഒരു കീഴാളനാകുന്നുവെന്ന് ഞാനിന്നറിയുന്നു.........
മേലാളര്ക്ക് ക്രിസ്തുശിഷ്യരാകാന്
കഴിയില്ല............. കീഴാളര്ക്കേ അതിന് കഴിയൂ...................
കീഴാളര്ക്കേ തീര്ഥാടകരാകുവാന് കഴിയൂ.......മേലാളര്ക്ക്
അതിനുള്ള നിയോഗമില്ല......
ക്രിസ്തുശിഷ്യര്ക്കേ തീര്ഥാടകരാകുവാന്
കഴിയൂ..........
തീര്ഥാടകര്ക്കേ ക്രിസ്തുശിഷ്യരാകുവാനും
കഴിയൂ..........
തീര്ഥാടനം കീഴാളയാത്രയാണ്...........അതിലൊരു
തെരഞ്ഞെടുപ്പുണ്ട്, നിയോഗമുണ്ട്, അര്പ്പണമുണ്ട്, നിഷേധമുണ്ട്......
തീര്ഥാടകര് കുരിശിന്റെ വഴിലൂടെ ഉത്ഥാനത്തിലേക്ക്
യാത്രയാവുന്നു.............. ഉത്ഥാനത്തിലൂടെ നവക്രമത്തിലേക്കും