വസ്ഥിരാജ്ഞി എന്നെ പഠിപ്പിച്ചത്
വേദപുസ്തകത്തില്‍, നിലവിലുണ്ടായിരുന്ന ചില ആധിപത്യവ്യവഹാരങ്ങളോടുള്ള ശക്തമായ ചെറുത്തുനില്‍പ്പുകള്‍
നടത്തുന്ന വ്യക്തികളുടെ വിവരണങ്ങളില്‍ അധികം ശ്രദ്ധിക്കപ്പെടാതെപ്പോകുന്ന ഒരു
പേരാണ് വസ്ഥിരാജ്ഞി............
(.......ജനങ്ങള്‍ക്കും പ്രഭുക്കന്മാര്‍ക്കും വസ്ഥിരാജ്ഞിയുടെ സൌന്ദര്യം
കാണിക്കേണ്ടതിന് അവളെ രാജകിരീടം ധരിപ്പിച്ചു രാജസന്നിധിയില്‍ കൊണ്ടുവരുവാന്‍ കല്‍പിച്ചു;
അവള്‍ സുമുഖിയായിരുന്നു. എന്നാല്‍ ഷണ്ഡന്‍മാര്‍ മുഖാന്തരം അയച്ച രാജകല്‍പന മറുത്തു
വസ്ഥിരാജ്ഞി ചെല്ലാതിരുന്നു......എസ്ഥേര്‍ 1:11,12)
അവര്‍ കലഹിച്ചത്........
ഒന്ന് – ആധിപത്യവ്യവഹാരങ്ങളുടെ
പ്രയോക്താക്കളോടാണ്........ഒരുചക്രവര്‍ത്തിയോട്.......സ്വന്തം ഭര്‍ത്താവിനോട്
രണ്ട് – പുരുഷമേധാവിത്വത്തോടും
ആ വ്യവസ്ഥിതിയുടെ ആസ്വാദകരോടും..........പ്രഭുക്കന്മാരോടും അധികാരികളോടും.......
വസ്ഥിരാജ്ഞി പറയാതെ പറഞ്ഞത്.......
എന്‍റെ ശരീരം ഒരു പ്രദര്‍ശനവസ്തുവല്ല.................
എന്‍റെ ശരീരം ഒരു ഉപഭോഗവസ്തുവല്ല...........
എന്‍റെ സ്വത്വവും ശരീരവും ചൂഷണം ചെയ്യപ്പെടാനുള്ളതല്ല..........
രാജ്ഞിപദവിയും അതിന്‍റെ ആഡംബരവും എനിക്ക് നിസ്സാരമാണ്........
അധാര്‍മികതയെ നിഷേധിക്കുവാന്‍ എനിക്ക് അവകാശമുണ്ട്..........എന്ത് വില
കൊടുക്കേണ്ടിവന്നാലും.......
വസ്ഥിരാജ്ഞി പറയാതെ ഊന്നിപ്പറഞ്ഞത്.........
എന്‍റെ ആത്മാഭിമാനം ഞാന്‍ ആര്‍ക്കും പണയം വച്ചിട്ടില്ല.........(അത് ചക്രവര്‍ത്തിക്കോ
ഭര്‍ത്താവിനോ പോലും..............)
മേലാള കീഴാള വ്യവസ്ഥിതിയെ ഞാന്‍ നിഷേധിക്കുന്നു....................
ഉത്തരവാദിത്തങ്ങള്‍ കീഴടക്കാനുള്ളതല്ല...........കീഴടക്കപ്പെട്ടവരെ
വിട്ടയപ്പിക്കുവാനുള്ള പ്രക്രിയയില്‍ ഏര്‍പ്പെടുവാനുള്ള നിയോഗമാണ്.......
ഞാന്‍ സൃഷ്ടിക്കപ്പെട്ടിരിക്കുന്നത് ദൈവസാദൃശ്യത്തിലാണ്...........
ഞാന്‍ ദൈവത്തിന്‍റെ വകയാണ്..........
എനിക്കുമുണ്ട് വിവേകം........എനിക്കുമുണ്ട് തിരിച്ചറിവ്........
എനിക്കുമുണ്ട് നിലപാടുകള്‍........എനിക്കുമുണ്ട് ബോധ്യങ്ങള്‍
ഞാന്‍ കേവലമൊരു വില്‍പനച്ചരക്കല്ല...........
ഞാന്‍ കേവലമൊരു പ്രദര്‍ശനവസ്തുവല്ല......
മനുഷ്യനിര്‍മിതമായ ഒരു ആധിപത്യവ്യവഹാരങ്ങളുടേയും കീഴില്‍ ഒരു
ഇരയാവേണ്ടവളല്ല ഞാന്‍................
ദൈവനിര്‍മിതമായ ഒരു സമൂഹത്തിലെ അംഗമാണ് ഞാന്‍.........
ഇവിടെ ഞാനൊറ്റക്കക്കല്ല........നീതിബോധമുള്ള ഒരു ദൈവത്തോടൊപ്പമാണ് എന്‍റെയാത്ര.............
