ദൈവമേ ..........കാലത്തിനു മുന്‍പേ പറക്കേണ്ട പക്ഷികള്‍ക്ക് തിമിരം ബാധിച്ചുവോ....?
വഴികാട്ടികള്‍ കുരുടന്മാരായാല്‍............?
ജനത്തെ അറിയാത്ത കുരുടന്മാരായ വഴികാട്ടികള്‍......ദൈവമേ അവരാണല്ലോ എവിടെയും വഴി കാണിക്കുന്നത്....!
ജനങ്ങളുടെ ആവശ്യങ്ങളറിയാത്ത വഴികാട്ടികള്‍......കമ്പോള സംസ്കാരത്തിന്‍റെ പിടിയിലമര്‍ന്നവര്‍................വ്യക്തിതാല്‍പര്യങ്ങളുടെ അന്ധത ബാധിച്ചവര്‍.........ദൈവമേ അവരാണല്ലോ എവിടെയും വഴി കാണിക്കുന്നത്....!
ദൈവമേ കുരുടന്മാരായ വഴികാട്ടികളില്‍നിന്നും ജനത്തെ രക്ഷിക്കേണമേ......
അവര്‍ ജനത്തെ തെറ്റിദ്ധരിപ്പിക്കുന്നു........അവര്‍ സത്യത്തെ വളച്ചൊടിക്കുന്നു...
അവര്‍ എങ്ങോട്ടെന്നറിയാതെ ജനത്തെ നയിക്കുന്നു..........
ദൈവമേ കുരുടന്മാരായ വഴികാട്ടികള്‍ ഒരു ജനതയെ ആകമാനം നാശത്തിലേക്ക്‌ തള്ളിവിടുന്നു............നിശബ്ദത തളംകെട്ടി നില്‍ക്കുന്ന സാമൂഹിക പരിസരം അവര്‍ക്ക് കൂടുതല്‍ കരുത്ത്‌ പകരുന്നു........ദൈവമേ ജനത്തിന് തിരിച്ചറിവ് നല്‍കേണമേ.........
ദൈവമേ കുരുടന്മാരായ വഴികാട്ടികള്‍ വാചാലതയോടെ സംസാരിക്കുന്നു .....പക്ഷേ അവരില്‍ വിവേകം കുറഞ്ഞിരിക്കുന്നു....അവരില്‍ നീതിബോധം ഇല്ലാതെയായി
ദൈവമേ കുരുടന്മാരായ വഴികാട്ടികള്‍ അവരില്‍ ബാധിച്ച അന്ധത മറ്റുള്ളവരിലേക്കും പകരുന്നു...............ജനം അതറിയുന്നതുമില്ല.......വെളിച്ചത്തിന്‍റെ ഉറവയായ ദൈവമേ, വെളിച്ചത്തിന്‍റെ വാതായനങ്ങള്‍ ജനത്തിലേക്ക് തുറക്കേണമേ........വെളിച്ചം ഇടിമിന്നലായി കടന്നുവന്ന് അന്ധതയെയും അന്ധകാരത്തെയും തകര്‍ക്കേണമേ.....
അവര്‍ ഇരുട്ടിന്‍റെ വഴിയിലൂടെ സഞ്ചരിച്ച് മരണത്തെ പുല്‍കുന്നു......ദൈവമേ അവര്‍ അതറിയുന്നില്ല........അവര്‍ വെളിച്ചത്തിന്‍റെ വഴി ബോധപൂര്‍വം വിട്ടുകളയുകയും ചെയ്യുന്നു..........ജീവന്‍റെ ഉറവയായ ദൈവമേ ജീവന്‍റെ കിരണങ്ങള്‍ അവരിലേക്ക്‌ കൊടുങ്കാറ്റായി അയയ്ക്കേണമേ..........
അവരുടെ വാക്കുകളില്‍ അവിവേകവും, ഭോഷ്കും, കപടതയും, അനീതിയും, മനപൂര്‍വമായ അറിവില്ലായ്മയും നിറഞ്ഞിരിക്കുന്നു...........ജനം അത് മനസ്സിലാക്കുന്നതുമില്ല
സത്യത്തിന്‍റെ ഉറവയായ ദൈവമേ..........സത്യത്തിന്‍റെ മുഖത്തെ അവര്‍ അസത്യത്തിന്‍റെ സൌന്ദര്യവര്‍ധക വസ്തുക്കള്‍ ഉപയോഗിച്ച് മിനുക്കിയെടുക്കുവാന്‍ ശ്രമിക്കുന്നു...
ചിതറിപ്പാര്‍ക്കുന്നവരുടെ ദൈവമേ............കുരുടന്മാരായ വഴികാട്ടികള്‍ ചിതറിപ്പാര്‍ക്കുന്നവരെയും, വേദനിക്കുന്നവരെയും കാണുന്നില്ലല്ലോ............അവര്‍ അവരെ അന്വേഷിക്കുന്നതുമില്ല......മറ്റുള്ളവരെ അന്വേഷിക്കുവാന്‍ സമ്മതിക്കുന്നതുമില്ല
മറ്റുള്ളവര്‍ നിശബ്ദരായിരിക്കുന്നതാണ് അവര്‍ക്കിഷ്ടം.........
മറ്റുള്ളവരെ നിശബ്ദരാക്കുമ്പോഴും അവര്‍ വാചാലതയോടെ സംസാരിക്കുന്നു............
ബലഹീനരെ ശക്തീകരിക്കുന്ന ദൈവമേ..............കുരുടന്മാരായ വഴികാട്ടികളെ തിരിച്ചറിയുവാനുള്ള വിവേകം ജനത്തിനു നല്‍കേണമേ........
മനുഷ്യരെ മരങ്ങളായി കാണുന്ന കുരുടന്മാരായ വഴികാട്ടികളില്‍ നിന്നും ജനത്തെ രക്ഷിക്കേണമേ.......
ദൈവമേ.......കുരുടന്മാരായ വഴികാട്ടികളില്‍ ഞാന്‍ ഒന്നാമന്‍.........എന്നോട് പൊറുക്കുക.......എനിക്ക് വെളിച്ചം പകരുക.....എന്നെ അസത്യത്തില്‍നിന്നും സത്യത്തിലേക്ക് നടത്തുക......അന്ധതയുടെ അടിമത്തത്തില്‍നിന്നും എന്നെ സ്വതന്ത്രനാക്കുക........
No comments:
Post a Comment