എന്റെ പൊന്നുമകനേ........
ഇന്ന് നിന്റെ പിറന്നാള്ദിനം....നല്കുവാനെന്റെ പക്കല് ഒരിറ്റുകണ്ണീര്ക്കണം
മാത്രം....അത് ഞാന് നിന്റെ കാല്ക്കല് അര്പ്പിക്കട്ടെ.....അതിലെന്റെ പ്രാര്ത്ഥനയും,
പ്രതീക്ഷയും, സ്നേഹവും, സമ്മാനവുമെല്ലാമുണ്ട്........
മകനേ.........
ഈ കപടലോകത്തില് മുഖംമൂടിയില്ലാതെ ജീവിക്കുക ദുഷ്കരമാണ്....പക്ഷേ തിരിച്ചറിയുക
ജീവിതമൊരു സമരമാണ്.......ഈ സമരമുഖത്ത് ക്രിസ്തു നിന്റെ മുന്പിലുണ്ടെന്ന് കാണുക....
ശക്തരുടെ ഈ ലോകത്തില് ബലഹീനനായി ജീവിക്കുക അസാധ്യമെന്നു തോന്നിയേക്കാം......ജീവിതമൊരു
പോരാട്ടമാണെന്ന് തിരിച്ചറിയുക......ഈ പോരാട്ടത്തില് ദൈവം നിന്നോടുകൂടെ.....പോരാടുക....തളരരുത്
മകനേ......
നിന്റെ സ്വപ്നങ്ങളില് ദൈവവും, മനുഷ്യരും, ജീവനും നിറയട്ടെ......
നിന്റെ വാക്കുകളില് ക്രിസ്തുമാത്രം ജീവിക്കട്ടെ........
നിന്റെ കണ്ണുകളില് കരുണനിറയട്ടെ.........
നിന്റെ കരങ്ങള്ക്ക് ദൈവകൃപയുടെ ആവാസമുണ്ടാകട്ടെ........
മകനേ.......
കരുത്തുള്ളവനാകുക........വേദപ്രമാണങ്ങളിലൂടെ സമ്പന്നനാകുക......നീതിയില്
ജീവിക്കുക.......പ്രാര്ത്ഥനയോടെ
പൊന്നുമകനേ.....
മനുഷ്യാധിപത്യങ്ങള്ക്ക് കൂട്ടുനില്ക്കരുത്........ദൈവാധിപത്യത്തിനു
കീഴടങ്ങുക
പ്രലോഭനങ്ങള് നിറഞ്ഞ ഈ ലോകത്തില് ദൈവികപരിജ്ഞാനമുള്ളവനാകുക..........
സാത്താന്റെ മുന്പില് നിഷേധിയും ദൈവത്തിന്റെ മുന്പില്
വിവേകിയുമാവുക........
നിന്നില് അറിവും, തിരിച്ചറിവും, നെറിവും നിറയട്ടെ........
സത്യത്തിന്റെയും നീതിയുടെയും ധര്മത്തിന്റെയും സ്നേഹത്തിന്റെയും പാതയിലൂടെ മാത്രം
നീ യാത്രചെയ്യുക.........അതാണ് ജീവനിലേക്കുള്ള വഴി
നീ ദൈവത്തില്നിന്നും വന്നു........ജീവന്റെ സംരക്ഷകനാകുവാന്
നീ ദൈവത്തിനായിമാത്രം (ക്രിസ്തുവിനോടൊപ്പം) ജീവിക്കുക........ജീവന്റെ
പ്രതിരോധസംഘങ്ങളിലൂടെ............അതാണ് നിന്റെ നിയോഗമെന്ന് തിരിച്ചറിയുമ്പോള് നീ
ഓര്ക്കുക........നീ ജീവിക്കുകയാണെന്ന്...
മകനേ.........നീ തിരിച്ചറിയുക നീ ജീവിക്കുന്നത് നിനക്ക് വേണ്ടിയല്ലെന്ന്.........
മകനേ....നീ ക്ഷമിക്കുക.......എന്റെ പക്കല് ആര്ക്കും വേണ്ടാത്ത ഈ പ്രാര്ത്ഥന
മാത്രമേ സമ്മാനമായി നല്കുവാനുള്ളൂ..........പക്ഷേ എനിക്കുറപ്പുണ്ട്........ഈ
പ്രാര്ത്ഥന നിനക്ക് അന്ധകാരം നിറഞ്ഞ ഈ ലോകത്തില്
വഴിവിളക്കാകുമെന്ന്.............
No comments:
Post a Comment