കണ്ടതും.....കേട്ടതും
അധികാരത്തിന്‍റെ വടംവലി മല്‍സരത്തില്‍
കണ്ടതും കേട്ടതും......
ഒരുവന്‍റെ വിജയം ഉറപ്പാക്കേണ്ടത്/അധികാരക്കസേരകള്‍
പണിയേണ്ടത്, മറ്റുള്ളവരുടെ മേല്‍ ചെളിവാരിയെറിഞ്ഞിട്ടോ, അപഹസിച്ചിട്ടോ, തോളില്‍
ചവുട്ടിത്താഴ്ത്തിയിട്ടോ ആവണം.............പ്രത്യേകിച്ചും മേലധികാരികളുടെ മുന്‍പിലും
മറ്റും വച്ച്.......(പൊതുവിലും, അല്ലാതെയും)
ഒരേ വ്യക്തിയെക്കുറിച്ചോ, സംഭവത്തെക്കുറിച്ചോ,
ഒരേസമയം പരിഹാസവും, പുകഴ്ത്തലും നടത്തുക (ഉദാ: ഒരാള്‍ പാടിയ പാട്ടിനെക്കുറിച്ച്
അയാളോട് ഗംഭീരം, ഇതുപോലൊരു പാട്ട് കേട്ടിട്ട് എത്രനാളായി എന്നു പറയുന്നതോടൊപ്പം.........മാറിനിന്ന്
പാട്ട് എന്തിനുകൊള്ളാമെന്നും, അവനെ(ളെ)പ്പിടിച്ച് ആരാണ് സ്റ്റേജില്‍ കയറ്റിയത്
എന്ന് പറയുകയും ചെയ്യുക)
അധികാരകേന്ദ്രങ്ങളില്‍ ചുറ്റിക്കറങ്ങി
നടക്കുക......എപ്പോഴും സ്വന്തം വീരകൃത്യങ്ങളെക്കുറിച്ച് അധികാരകേന്ദ്രങ്ങളില്‍ സമയാസമയങ്ങളില്‍
പറഞ്ഞുകൊണ്ടേ നടക്കുക.......
പൊതുചര്‍ച്ചകളില്‍ ആരെ പാര പണിയണമോ,
അവരുടെ അസാന്നിദ്ധ്യത്തില്‍ അവര്‍ക്ക് പാര പണിയുക.........(പണികിട്ടുന്നവന്‍ പോലും
അറിയാതെ.....അതോടൊപ്പം പണിയുന്നവനെ/ളെ അവന്‍റെ/അവളുടെ സാന്നിധ്യത്തില്‍ പ്രകീര്‍ത്തിക്കുക,
കെട്ടിപ്പിടിക്കുക, അവന്‍റെ മൃദുമാനസിക മേഖലകളെ ഇക്കിളിപ്പെടുത്തുക.....അവരെ ഒപ്പം
നിറുത്തുന്നതായി നടിക്കുക,.......) പണികിട്ടിയവന്‍/ള്‍ നെട്ടോട്ടമോടുമ്പോള്‍ സഹായഹസ്തം
നീട്ടുക.
മേലധികാരികളുടെ ബലഹീനതകള്‍
എന്തൊക്കെയെന്ന് ഒരു ചെറിയ ഗവേഷണം നടത്തി കണ്ടുപിടിക്കുക......എന്നതിനുശേഷം
ഓരോരുത്തരുടെയും അടുക്കല്‍ പ്രത്യേകം, പ്രത്യേകം അവകളെടുത്ത് പ്രയോഗിക്കുക( ഉദാ:
സ്ത്രീകളുടെ തുല്യതയിഷ്ടപ്പെടാത്ത മേലധികാരികളോട് സ്ത്രീവിരുദ്ധ പരാമര്‍ശങ്ങള്‍
നടത്തുക.....സ്ത്രീസമത്വം ആഗ്രഹിക്കുന്നവരുടെയടുക്കല്‍ സ്ത്രീവിമോചനം പറയുക)
ഒരുവനെ/ളെ തമസ്കരിക്കുവാന്‍,
ഒഴിവാക്കുവാന്‍....മറ്റൊരുവനെ/ളെ വാനോളം പുകഴ്ത്തുക.............അതും ഒന്നിച്ചു
പ്രവര്‍ത്തിച്ച ഒരാളെയാണെങ്കില്‍ വളരെ നല്ലത്.................
ഉന്നതസ്ഥാനീയരുടെ അപധാനങ്ങള്‍ എപ്പോഴും
അവരെക്കേള്‍ക്കെ മറ്റുള്ളവരോട് പറയുക........
(ഇവകള്‍ നമ്മുടെ ജീവിതത്തില്‍ ഉണ്ടെങ്കില്‍
നമ്മള്‍ അധികാരത്തിനായുള്ള വടംവലി മല്‍സരത്തിലെ ഒരംഗമാണ്)
No comments:
Post a Comment