എന്ന് ഞാന് പറഞ്ഞാല്..................!!!!!!!!!!!!!
------------------------------------------------------------------------------
സ്ഥലംമാറ്റം, വിരമിക്കല്, ശവമടക്ക്
തുടങ്ങിയ ഇടങ്ങളില് ഒരു വ്യക്തിയെപ്പറ്റിപ്പറയുന്ന നല്ലവാക്കുകള് അയാളുടെ നല്ലകാലത്ത്
കുറച്ചെങ്കിലും പറഞ്ഞിരുന്നുവെങ്കില് ആ വ്യക്തി കുറേക്കൂടി നന്നായി പ്രവര്ത്തിക്കുമായിരുന്നു/ജീവിക്കുമായിരുന്നു..................പക്ഷേ,
നാമതില് പിശുക്കരാണ്...............ഒരു പക്ഷേ അങ്ങനെ പറഞ്ഞാല് അയാള് കുറേക്കൂടി
നന്നായി പ്രവര്ത്തിക്കുമായിരുന്നു/ജീവിക്കുമായിരുന്നു.......അതില് നമുക്ക്
അസൂയയുണ്ട് എന്ന് ഞാന് പറഞ്ഞാല് നിങ്ങള് എന്തുപറയും?
എന്നെക്കൊണ്ട് പറ്റാത്ത കാര്യം മറ്റൊരാള്
ചെയ്യുന്നതില് നമുക്ക് അസൂയയുണ്ട് എന്ന് ഞാന് പറഞ്ഞാല് നിങ്ങള് യോജിക്കുമോ?
ഞാന് ചെയ്താലേ എല്ലാം ശരിയാവൂ എന്ന്
ചിന്തിക്കുന്ന വ്യക്തിക്ക് മാനസിക പക്വത വന്നിട്ടില്ല എന്ന് ഞാന് പറഞ്ഞാല്
നിങ്ങള് എന്നെ കല്ലെറിയുമോ?
ജീവിതത്തില് മറ്റുള്ളവരെ പ്രീതിപ്പെടുത്തി/തെറ്റായി
സ്വാധീനിച്ച് നേട്ടങ്ങള് കൊയ്യുവാന് ശ്രമിക്കുന്നത് ഒരുതരത്തില് ആത്മഹത്യ
തന്നെയല്ലേ? സ്വത്വത്തെ കൊലചെയ്യുകയല്ലേ ചെയ്യുന്നത്?
ആരേയും പിണക്കാതെ, ഒന്നിലും ഇടപെടാതെ,
എല്ലാവരുടെയും പ്രശംസമാത്രം നേടി ജനകീയനാകുന്നതിനേക്കാള്, ചിലരെയെങ്കിലും പിണക്കി
ശക്തമായ ഇടപെടലുകള് നടത്തുന്നതല്ലേ ശരി? നാം ആദ്യത്തെ കൂട്ടരേ നല്ലവര് എന്നും
രണ്ടാമത്തെ കൂട്ടരെ വിപ്ലവകാരികള് എന്നും വിളിക്കാറുണ്ട് അല്ലേ.....? രണ്ടാമത്തെ
കൂട്ടരാണ് ഈ സമൂഹത്തിന്റെ പരിവര്ത്തനത്തിന്റെ കാരണക്കാര് എന്നും ഒന്നാമത്തെ കൂട്ടര്
ഈ വ്യവസ്ഥിതിയുടെ മൂടുതാങ്ങികള് എന്നും പറയുന്നത് തെറ്റാണോ?
വിജയത്തിന്റെയും പരാജയത്തിന്റെയും അളവുകോല്
എന്താണ്? പ്രസിദ്ധി, പദവികള്, പുരസ്കാരങ്ങള് ഇവകള് ആണോ? എങ്കില് ക്രിസ്തു
യഥാര്ത്ഥത്തില് പരാജിതനല്ലേ(ഈ ലോകത്തിന്റെ യജമാനന്മാരുടെ കണ്ണില്)? പരാജിതനായ,
ക്രൂശിതനായ ക്രിസ്തുവിനെയാണോ അതോ നാം വരച്ച, നിറം കൊടുത്ത, നാം കിരീടം ചൂടിച്ച, നാം
അണിയിച്ച അധികാരചിഹ്നങ്ങള് ധരിച്ച രാജാവായ, കനക സിംഹാസനത്തില് ഇരിക്കുന്ന ക്രിസ്തുവിനെയാണോ
നമുക്കിഷ്ടം......രണ്ടാമത്തെ ക്രിസ്തുവിനെയല്ലേ നമുക്കെല്ലാവര്ക്കും കൂടുതല്
പ്രിയം......എന്ന് ഞാന് പറഞ്ഞാല്.....?
വലിയ മുതല്മുടക്കില്ലാതെ വിറ്റഴിക്കാവുന്ന
ഒരു ഉല്പന്നമായി ആത്മീയത മാറിയില്ലേ? പ്രകടനപരത, വികാരപരത, കാര്യസാധ്യം, പാരമ്പര്യതാവാദം,
ആളുകാണിക്കല്, എന്നിവകളായി ആത്മീയത ചുരുങ്ങിപ്പോയില്ലേ? അപരനിലേക്ക് ഞാന്
ചെന്നെത്തുകയല്ലേ ദൈവത്തിലേക്കുള്ള യാത്രയുടെ ആദ്യപടി.........എന്ന് ഞാന് പറഞ്ഞാല്.....!!!!!!!!!!!!!!!!!!!!!!!
No comments:
Post a Comment