ഒരിടത്ത് ഒരിക്കല്‍ മിഷന്‍
കണ്‍സള്‍ട്ടേഷന്‍ നടക്കുകയാണ്...........
പങ്കെടുക്കുന്നവര്‍ - ‘പണ്ഡിതര്‍’,
കാര്യക്ഷമതമാനേജ്മെന്‍റ് വിദഗ്ധര്‍, മിഷന്‍ സ്പോണ്‍സര്‍ ചെയ്യുവാന്‍ കഴിവുള്ള
ധനികര്‍, ദൈവശാസ്ത്രജ്ഞര്‍, മിഷന്‍സംഘടന മേലധികാരികള്‍...........
വിഷയം – കാര്യക്ഷമതയോടുകൂടിയ
മിഷന്‍ ഇന്ന്
ചൂടേറിയ ചര്‍ച്ചയില്‍
എല്ലാവരും അഗാധപാണ്ഡിത്യം പ്രകടിപ്പിച്ചു എന്നത് പറയാതെ വയ്യ..........
എത്രയും പെട്ടന്ന് കൂടുതല്‍
വളര്‍ച്ചയും നേട്ടവും എങ്ങിനെ കൈവരിക്കാമെന്നതിനെക്കുറിച്ച് കാര്യക്ഷമത മാനേജ്മെന്‍റ്
വിദഗ്ധര്‍ വിശദമായി പ്രബന്ധം അവതരിപ്പിച്ചു.........
പണ്ഡിതര്‍ സിദ്ധാന്ത
അടിത്തറ വിവരിച്ചു.........
സ്പോണ്‍സര്‍മാര്‍ ദശലക്ഷങ്ങളുടെ
ചെക്കുകള്‍ ഉയര്‍ത്തിക്കാട്ടി.......ഏവരുടെയും മുഖം പ്രസന്നമായി............നീണ്ടുനിന്ന
കരഘോഷത്തിനിടയില്‍ സ്പോണ്‍സര്‍മാര്‍ ഞെളിഞ്ഞിരുന്നു..........
ദൈവശാസ്ത്രജ്ഞരും മിഷന്‍
സംഘടന മേലധാരികളും വേലസ്ഥലത്തിന്‍റെ സാമൂഹികപശ്ചാത്തലവും മറ്റും
വിവരിച്ചു..............
ചര്‍ച്ചയ്ക്കൊടുവില്‍ മിഷന്‍സംഘടന
മേലധികാരി ഒരു ചോദ്യം ഉന്നയിച്ചു.........ആരെ അയക്കും?
കാര്യക്ഷമതയോടെ, ഊര്‍ജസ്വലതയോടെ,
കാര്യപ്രാപ്തിയോടെ, ഫലപ്രാപ്തിയോടെ മിഷന്‍ പ്രവര്‍ത്തനം നടത്തുവാന്‍ ഒരാളുടെ പേര്
നിര്‍ദ്ദേശിക്കുക..........മേലധികാരി അധികാരഭാവത്തോടെ പറഞ്ഞു........സ്പോണ്‍സര്‍മാര്‍
അത് അംഗീകരിച്ചുകൊണ്ട് തലകുലുക്കി.....
പലപേരുകളും ഉയര്‍ന്നുവന്നു.........യോഗ്യരായി
ആരെയും കണ്ടെത്തുവാന്‍ കഴിഞ്ഞില്ല.........!
ഒടുവില്‍ ഒരു സ്പോണ്‍സര്‍
പറഞ്ഞു നമുക്കൊരാളെ സമീപിക്കാം...........അയാള്‍ മിഷന്‍ പ്രവര്‍ത്തനത്തിനു യോജിച്ച
ആളാണ്.....
എല്ലാവരും ഒരേശബ്ദത്തില്‍
ചോദിച്ചു ആരാണയാള്‍.......?
സ്പോണ്‍സര്‍ ശബ്ദമുയര്‍ത്തിപ്പറഞ്ഞു.............തച്ചനാണെങ്കിലും
യേശുവിനെ ഞാന്‍ സ്പോണ്‍സര്‍ ചെയ്യാം.......അവന്‍ മിടുക്കനാണ്......അവനെ ഒരു ദൌത്യം
ഏല്‍പ്പിച്ചാല്‍ മരിക്കേണ്ടി വന്നാലും അവന്‍ അതുചെയ്തിരിക്കും............!
എല്ലാവരും
എഴുന്നേറ്റ്നിന്ന് കരഘോഷത്തോടെ ആ പേര് അംഗീകരിച്ചുകൊണ്ട് പറഞ്ഞു............വെല്‍
ഡണ്‍ മിസ്റ്റര്‍....വാട്ട്‌ എ വണ്ടര്‍ഫുള്‍ സജഷെന്‍.............
അദൃനായ ദൈവം പുഞ്ചിരിച്ചുകൊണ്ട്
പറഞ്ഞു.......മനുഷ്യര്‍ ദൈവത്തെപ്പോലും സ്പോണ്‍സര്‍ ചെയ്യാന്‍ വളര്‍ന്നിരിക്കുന്നു.......
പുറത്തിറങ്ങിയ ദൈവം കടല്‍ക്കരയിലേക്ക്
നടന്നു..............തന്‍റെ സഹപ്രവര്‍ത്തകരെ തേടിക്കൊണ്ട്..............
കൊയ്ത്തുവളരെയുണ്ട്
വേലക്കാരോ ചുരുക്കം..........
‘പണ്ഡിതരും’, കാര്യക്ഷമത മാനേജ്മെന്‍റ്
വിദഗ്ധരും, മിഷന്‍ സ്പോണ്‍സര്‍മാരും , ദൈവശാസ്ത്രജ്ഞരും, മിഷന്‍സംഘടന മേലധികാരികളും
വളരെയുണ്ട്.............ദൈവരാജ്യപ്രവര്‍ത്തകരോ ചുരുക്കം.........
ഇതൊരു സ്വയം വിമര്‍ശനമാണ്........ഞാന്‍ ആരെ അയക്കേണ്ടു...ആര്‍ എനിക്കുവേണ്ടി പോകും എന്ന ദൈവത്തിന്‍റെ ചോദ്യത്തിനുമുന്‍പില്‍......അടിയങ്ങള്‍ ഇതാ അടിയങ്ങളെ അയക്കേണമേ........എന്നു പറഞ്ഞവരുടെ ചരിത്രമാണ് വേദപുസ്തകത്തിലും, സഭാചരിത്രത്തിലും ഉള്ളത്
എന്നാല്‍ ഇന്ന് അതേ ചോദ്യത്തിനുമുന്‍പില്‍ നല്‍കുന്ന മറുപടികള്‍ പലതാണ്........എനിക്ക് അല്പം ബുദ്ധിമുട്ടുണ്ട്......ഞാന്‍ ആരെ വേണമെങ്കിലും അയക്കാം......സ്പോണ്‍സര്‍ ചെയ്യാം......ഞാന്‍ കാര്യങ്ങള്‍ നിയന്ത്രിക്കം....നീ പോയി വേലചെയ്യൂ........
വന്നുവന്ന് ദൈവത്തെപ്പോലും സ്പോണ്‍സര്‍ ചെയ്യുവാന്‍തക്കവണ്ണം നാം ധനികരായിരിക്കുന്നു........മിടുക്കരായിരിക്കുന്നു.....
സ്വയം വിമര്‍ശനമാണിത്, സ്വയം പരിഹാസമാണിത്......എന്നോട്തന്നെയുള്ള ഒരു സംവാദമാണിത്
No comments:
Post a Comment