ക്രൈസ്തവസഭയിലെ ഒരു പുരോഹിതന്റെ ചില കുറിപ്പുകളാണിവിടെ കൊടുത്തിരിക്കുന്നത്............... .....അടുക്കും ചിട്ടയുമൊന്നുമില്ലാത്ത ചില ആത്മനൊമ്പരങ്ങള്.......പ്രതിഷേധങ്ങള്....പ്രാര്ത്ഥനകള്............. ഒന്നും അവകാശപ്പെടുവാനില്ലാത്ത ഒരുവന്റെ ചില സ്വപ്നങ്ങള്....
Monday, April 27, 2015
ദയവായി കണ്ണുനീരില് വിഷം കലര്ത്തരുത്...........
ഈ കുറിപ്പ്............................നേപ്പാളിലെ ഭൂകമ്പത്തില് (അകാലത്തില്) ജീവന് നഷ്ടപ്പെട്ട, പരുക്കേറ്റു ചികിത്സയിലായിരിക്കുന്ന എന്റെ സഹോദരങ്ങള്ക്കുവേണ്ടി.............
ഏതൊരു ദുരന്തവും തീരാത്ത നഷ്ടവും, വേദനയും, മുറിവുകളും സമ്മാനിച്ചുകൊണ്ടാണ് പോവുക...........നേപ്പാളിലെ ദുരന്തത്തിന്റെ അടയാളപ്പെടുത്തലും മറ്റൊന്നല്ല...........
മനുഷ്യര് നിസ്സഹായരായിപ്പോകുന്ന നിമിഷങ്ങള്.........മനുഷ്യര്, എല്ലാ അര്ത്ഥത്തിലും തകര്ന്നുപോകുന്ന ദിനരാത്രങ്ങള്............
ഇതുവരെ പടുത്തുയര്ത്തിയത്/സമ്പാദിച്ചത്/നേടിയത് പലതും കൈവിട്ടുപോകുന്നത് നോക്കിനില്ക്കേണ്ടിവരുന്ന മനുഷ്യര്..................
സ്വന്തം ബന്ധുക്കളുടെ വേര്പാട് താങ്ങാനാവാതെ പൊട്ടിക്കരയുന്ന ആയിരങ്ങള്........
ഒരു ജനതയാകമാനം വിറങ്ങലിച്ചുനില്ക്കുന്ന, പകച്ചുനില്ക്കുന്ന, ദിനങ്ങള്.......ഇനിയെത്രകാലമെടുക്കും ഈ മുറിവുകളുണങ്ങാന്, നഷ്ടപ്പെട്ടതെല്ലാം തിരിച്ചുപിടിക്കാന്...........?
ദുരന്തമേഖലയില് അവരെ കൈപിടിച്ചുയര്ത്തുന്ന സൈനികര്ക്കും, പോലീസിനും, സന്നദ്ധപ്രവര്ത്തകര്ക്കും, സംഘടനകള്ക്കും, അവരെ സഹായിക്കുന്നവര്ക്കും ദൈവം കരുത്ത് നല്കട്ടെ..................................................
പക്ഷേ.........................
ദുരന്തങ്ങളില് മതവും, രാഷ്ട്രീയവും, കലര്ത്തുന്ന സുഹൃത്തുക്കളെ......നിങ്ങള്ക്കെങ്ങിനെ ഇത്ര ക്രൂരരാകുവാന് കഴിയുന്നു.........?
ദുരന്തങ്ങളെ ദൈവന്യായവിധിയായി കാണുന്ന മതമൌലികവാദികളെ ദൈവം നിങ്ങളോട് പൊറുക്കട്ടെ.............ഹിന്ദുമതമൌലികവാദികളും, ക്രിസ്ത്യന് മതമൌലികവാദികളും ഒരേ ഭാഷ സംസാരിക്കുന്നു...............അവര് വിഷമാണ് ചീറ്റുന്നത്......വര്ഗീയ വിഷം.......പാപത്തിന്റെ പട്ടികയില് വരുന്നില്ലേ ഇത്?
ഇതില് കക്ഷിരാഷ്ട്രീയം കലര്ത്തുകയും, നേതാക്കന്മാര്ക്ക് കീ ജയ് പറയുവാന് ദുരന്തത്തില്നിന്നും രക്ഷപെട്ടവരെ പ്രേരിപ്പിക്കുകയും ചെയ്യുന്നവരേ.........എന്തിനീ കക്ഷിരാഷ്ട്രീയ മുതലെടുപ്പ്?
മനുഷ്യരുടെ ജീവന് മതത്തിന്റെയും, കക്ഷിരാഷ്ട്രീയത്തിന്റെയും നിറം കൊടുക്കുന്നവരേ....ചരിത്രം നിങ്ങളോട് പൊറുക്കില്ല....ദയവായി മനുഷ്യന്റെ നിസ്സഹായതക്ക് കക്ഷിരാഷ്ട്രീയ നിറം കൊടുക്കരുത്.......അവരുടെ ജീവനെവച്ച് വിലപേശരുത്.........
ജീവന് രാഷ്ട്രീയമുണ്ട്.....അത് പോരാട്ടത്തിന്റെയും, സ്വാതന്ത്ര്യത്തിന്റെയും, നീതിയുടെയും, സമാധാനത്തിന്റെയും, വിമോചനത്തിന്റെയും രാഷ്ട്രീയമാണ്..........
ജീവന് മതമുണ്ട്.......അത് സ്നേഹത്തിന്റെയും, ഒരുമയുടെയും, വിടുതലിന്റെയും മതമാണ്.......
പൈശാചികന്, വിദ്വേഷത്തിന്റെ, അപരത്വത്തിന്റെ വിത്ത് വിതയ്ക്കുന്നു......
ദൈവം, കരുതലിന്റെ, നിരപ്പിന്റെ, സാഹോദര്യത്തിന്റെ വിത്ത് വിതയ്ക്കുന്നു..............
ദുരന്തങ്ങളുടെ ഇരകള് നമ്മുടെ അസ്ഥിയില് നിന്നും അസ്ഥിയും മാംസത്തില്നിന്ന് മാംസവുമായി ഇവിടെ പിറന്നവരല്ലേ?
ദയവായി മനുഷ്യന്റെ കണ്ണുനീരില്, നിലവിളിയില്, നിസ്സഹായതയില് നിങ്ങളുണ്ടാക്കിയ മതത്തിന്റെയും, കക്ഷിരാഷ്ട്രീയത്തിന്റെയും വിഷം കലര്ത്തരുത്..........അത് കൊടും പാപമാണ്
നമുക്കൊരുമിക്കാം ഒരു ജനതയെ കൈപിടുച്ചുയര്ത്താന്.............ദൈവം നമ്മോട് കൂടെ
Subscribe to:
Post Comments (Atom)
Chuttupaadukalilekku thurannirikkunna kannum kaathum ullavarkku maathram thirichariyan pattunna chila paraamarsangal.. go ahead Achen, neeyum ninte ezhuthukalum viplavam ennu palarum paranjekkam, ennalum chinthikkuka, ezhuthuka because you are formed for transformation
ReplyDelete